مند؛ بولان لوبډلې د نادعلي ولسوالۍ د فوټبال ژمنيو سياليو اتلولي وگټله
د هلمند ولايت د بدني روزنې او ورزش رياست اړوند د فوټبال فدراسيون د استازولۍ له لوري د نادعلي ولسوالۍ په مرکزي ورزشي لوبغالي کې د ۱۶ لوبډلو ترمنځ د فوټبال گروپي سيالۍ د بولان لوبډلې په اتلولۍ پای ته ورسېدې.
د يادو سياليو پايلوبه د بولان او مرکزي لېسو لوبډلو ترمنځ ترسره شوه، چې په پايله کې بولان لوبډلې خپلې سيالې لوبډلې ته ۰/۱ گول په توپير ماتې ورکړه او اتلولي يې خپله کړه.
د دغو سياليو غوره لوبغاړی او گول وهونکی مېرزا گل او غوره گول ساتونکی بيا عبدالناصر ونومول شو.
د دغو سياليو د ترسره کېدو موخه ورزش ته د ځوانانو هڅول او په يادې ولسوالۍ کې د فوټبال لوبې وده ښودل شوی وه، چې شاوخوا يوه مياشت يې دوام وکړ او په پای کې د ياد ولايت د ورزش امريت له لوري لومړي او دويم مقام گټونکو لوبډلو ته کپونه او غوره لوبغاړو ته چمتو شوې ډالۍ ورکړل شوې.
