لوگر؛ په پل علم ښار کې د ۵۰ تنو پهلوانانو ترمنځ د پهلوانۍ دوستانه سيالۍ ترسره شوې
د لوگر ولايت د بدني روزنې او ورزش امريت اړوند د پهلواني ملي فدراسيون د استازولۍ له لوري د مرکز پل علم ښار په دولتي جمنازيوم کې د ۵۰ تنو پهلوانانو ترمنځ د پهلوانۍ دوستانه سيالۍ ترسره شوې.
په يادو سياليو کې له مرکز او ولسوالیو کلبونو څخه پهلوانانو گډون کړی وو، چې په پايله کې ش.ه.ي.د معروف کلب پهلوانانو لومړی او استقلال کلب پهلوانانو بيا دويم مقام خپل کړ.
د یادولو وړ ده، چې د دغو سياليو د ترسره کېدو موخه ورزش ته د ځوانانو هڅول، د غوره پهلوانانو موندل او له نشه يي توکو څخه د ځوانانو ليرې والی وو، چې يوه ورځ يې دوام وکړ.
