لوگر؛ خروار ولسوالۍ کې د ۲۵ لوبډلو ترمنځ د ټېپ بال کرکټ اختریزې سيالې پای ته ورسېدې
د لوگر ولايت د بدني روزنې او ورزش آمريت اړوند د ټېپ بال کرکټ فدراسيون د استازولۍ له لوري د خروار ولسوالۍ په شيخانو کلي کې د ۲۵ لوبډلو ترمنځ د ټېپ بال کرکټ اختريز جام سیالۍ، چې ۲۴ ورځې مخکې پيل شوې وې د شيخانو کلي لوبډلې په اتلولۍ پای ته ورسېدې.
د يادو سياليو پايلوبه د شيخانو کلي او محمد ولي لوبډلو ترمنځ ترسره شوه، د لوبې پچه شيخانو کلي لوبډلې وگټله او لومړی يې د توپ وهنې پریکړه وکړه، چې په ټاکلو ۱۲ اورونو کې يې خپلې سيالې لوبډلې ته د ۱۹۱ منډو هدف وټاکه، په مقابل کې محمد ولي د لسو اورونو په لوبولو سره ۱۶۷ منډو وکړې او لوبه يې د ۲۴ منډو په توپير وبایلله.
د ويلو وړ ده، چې د دغو سیالیو په پای کې لوبډلو او غوره لوبغاړو ته چمتو شوې ورزشي ډالۍ ورکړل شوې.
