لوګر؛ مرکز پل علم کې د ۱۷۰ ورزشکارانو ترمنځ د پانکرېشن يوولسم پړاو ملي ټاکنيزې سيالۍ پای ته ورسېدې
د لوګر ولايت د بدني روزنې او ورزش امريت په همکاري د پانکرېشن ملي فدراسيون له لوري د ياد ولایت په ورزشي جمنازيوم کې له ۱۲ ولايتونو د ۱۷۰ ورزشکارانو ترمنځ د پانکرېشن يوولسم پړاو ملي ټاکنيزې سيالۍ د غوره لوبغاړو په ټاکلو پای ته ورسېدې.
دغه سيالۍ د ځوانانو او مشرانو په عمري کټګوريو او له ۳۹ کيلوګرام څخه تر ۱۰۰ کيلو ګرام بېلا بېلو وزني کټګوريو کې ترسره شوې ، چې په پايله کې د مشرانو له عمري کټګورۍ څخه ۵۰ تنه ورزشکاران او د ځوانانو له عمري کټګورۍ څخه ۳۰ تنه ورزشکاران، چې ټول ۸۰ تنه ورزشکاران کېږي د پانکرېشن ملي لوبډلې ته وټاکل شول او د ولايتونو په کچه د فارياب ولايت ورزشکارانو لومړی، د کابل ولايت ورزشکارانو دويم او د هرات ولايت ورزشکارانو درېيم مقام ترلاسه کړ.
دغه سیالۍ د پانکرېشن ملي لوبډلې ته د غوره ورزشکارانو د ټاکلو په موخه ترسره شوې، چې څلور ورځې يې دوام وکړ.
د سياليو په پای کې ټاکل شوو ورزشکارانو ته کپ، مډالونه، ستاينليکونه او د اتلولۍ حکمونه ورکړل شول.
