لوګر؛ مرکز پل علم ښار کې د ۲۲ لوبډلو ترمنځ د فوټسال اختریزې سیالۍ پای ته ورسېدې
د لوګر ولایت د بدني روزنې او ورزش آمریت اړوند د فوټبال فدراسیون د استازولي له لوري د یاد ولایت په مرکز پل علم ښار کې د مرکز او ولسواليو په کچه د ۲۲ لوبډلو ترمنځ د فوټسال اختریزې سیالۍ پای ته ورسېدې.
د یادو سیالیو پایلوبه د اټک کلپ او الهام اف سي لوبډلو ترمنځ ترسره شوه، چې په پایله کې یې د اټک کلپ لوبډلې د ۴/۹ ګولونو په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
د سیالیو په پای کې د الهام ورزشي جمنازیوم مسؤولانو له لوري چې د دغو سیالیو مالي ملاتړ یې پر غاړه درلوده اتلې لوبډلې ته ۵زره افغانۍ او مډالونه او دویم مقام ګټونکې لوبډلې ته هم مډالونه ورکړل شول.
