لغمان کې د ۳۴ ورزشکارانو ترمنځ د سوک وهنې سيالۍ وشوې
د لغمان ولايت د بدني روزنې او ورزش امريت اړوند د سوک وهنې فدراسيون د استازولۍ له لوري د مرکز مهترلام ښار په ۵۰۰ کسېز جمنازيوم کې د اوو کلبونو د ۳۵ ورزشکارانو ترمنځ د سوک وهنې سيالۍ وشوې.
دغه سيالۍ، چې د تنکيو ځوانانو، نويو ځوانانو، ځوانانو او لويانو ورزشکارانو په عمري کټگوريو کې ترسره شوې، په پايله کې مهترلام ځوانانو کلب لومړی، سمندر کلب دويم او واحدي کلب بيا درېيم مقام ترلاسه کړ.
د يادولو وړ ده، چې د دغو سياليو موخه د سوک وهنې ورزش ته وده ورکول او د ورزشکارانو ترمنځ يووالی رامنځته کول وو.
