لغمان؛ په مهترلام ښار کې د ۲۰ لوبډلو ترمنځ د والیبال سيالۍ پای ته ورسېدې
د لغمان ولایت د بدني روزنې او ورزش امريت اړوند د واليبال ملي فدراسيون د استازولۍ له لوري د ياد ولايت مرکز اړوند نوري کلي کې د ۲۰ لوبډلو ترمنځ د والیبال سيالۍ د عاصم کمانډو لوبډلې په اتلولۍ پای ته ورسیدې.
د دغو سياليو په پايلوبه کې عاصم کمانډو لوبډلې خپلې سیالې امر ابدالي لوبډلې ته د ۳/۱ ګولونو په توپير ماتې ورکړه او اتلولي يې وګټله.
د يادو سياليو موخه له نظام څخه ملاتړ او د ځوانانو يووالی وو، چې اووه ورځې دوام وکړ.
