لغمان؛ په الينگار ولسوالۍ کې د ۲۴ لوبډلو ترمنځ د واليبال سيالۍ پای ته ورسېدې
د لغمان ولايت د بدني روزنې او ورزش امريت اړوند د واليبال فدراسيون د استازولۍ له لوري د الينگار ولسوالۍ په الاجيگرو کلي کې د ۲۴ لوبډلو ترمنځ د اوسني نظام څخه د ملاتړ په موخه د واليبال سيالۍ د شيخ محمد حسين لېسې الف لوبډلې په اتلولۍ پای ته ورسېدې.
د يادو سياليو په پايلوبه کې شيخ محمد حسين لېسې الف لوبډلې سيالې شيخ محمد حسين لېسې ب لوبډلې ته ۱/۲ ميدان په توپير ماتې ورکړه او اتلولي يې خپله کړه.
دغه سیالۍ چې شاوخوا دوې اوونۍ يې دوام وکړ، په پای کې د ياد ولايت د ورزش امريت له لوري لومړي او دويم مقام گټونکو لوبډلو ته کپونه، ستاينليکونه او مډالونه ورکړل شول.
