فراه کې د څلورو ولايتونو ترمنځ د رزمي لوبو اوسپورت او کيوان کيک بوکسينگ سبک سيالۍ وشوې
د فراه ولايت د بدني روزنې او ورزش امريت اړوند د رزمي لوبو ملي فدراسيون د استازولۍ له لوري د ياد ولايت په مرکزي جمنازيوم کې د څلورو ولايتونو د ۵۰ ورزشکارانو ترمنځ د يووالي او همدردۍ په نوم د اوسپورت او کيوان کيک بوکسينگ سبک سيالۍ وشوې.
په يادو سياليو کې له فراه، کابل، نيمروز او کندهار ولايتونو څخه ورزشکارانو گډون کړی وو، چې په پايله کې يې فراه ولايت د زياتو امتيازاتو په ترلاسه کولو سره لومړی، کابل او نيمروز په ترتيب سره دويم او درېيم مقامونه خپل کړل.
د ويلو ده، چې د دغو سياليو موخه د ورزشکارانو ترمنځ يووالی او د ورزش وده وه، چې په پای کې غوره ورزشکارانو ته چمتو شوې ډالۍ هم ورکړل شوې.
