فاریاب؛ مرکز میمنې ښار کې د ۵۰ ورزشکارانو ترمنځ د ځغاستې شپږم پړاو ټاکنیزې سیالۍ ترسره شوې
د فاریاب ولایت د بدني روزنې او ورزش آمریت اړوند د خفیفه اتلتیک فدراسیون د استازولي له لوري او د ګوهرشاد خصوصي انسټیټوټ په مالي مرسته د یاد ولایت مرکز میمنې ښار په هوايي ډګر کې د ۵۰ ورزش کارانو ترمنځ په پنځه کیلو متري واټن کې د ځغاستې شپږم پړاو ټاکنیزې سیالۍ ترسره شوې.
د یادو سیالیو په پایله کې ذاکر کوهي لومړی، احمد بلال صمدي دویم او حفیظ الله میرزايي بیا درېیم مقام خپل کړ او د یاد ولایت د ځغاستې ټاکنیزې لوبډلې ته وټاکل شول.
یادې سیالۍ د فاریاب ولایت د ځغاستې ټاکنیزې لوبډلې ته د غوره لوبغاړو د موندلو په موخه ترسره شوې او په پای کې غوره شویو لوبغاړو ته یو عراده موټر سایکل، یو سېټ موبایل او ورزشي لباسونه د ډالۍ په توګه ورکړل شول.
هدف از برگزاری این رقابت ها شناسائی چهره های برتر برای تیم منتخب ولایت فاریاب عنوان گردیده است، و در اخیر برای ورزشکاران برتر و منتخب جوایزی همچون موتر سایکل، یک سیت مبایل و لباس ورزشی اهدا گردید.
