فاریاب؛ شیرین تګاب ولسوالۍ کې د ۱۰۰ چاپندازانو ترمنځ د وزلوبې سیالۍ ترسره شوې
د فاریاب ولایت د بدني روزنې او ورزش امریت اړوند د وزلوبې، نېزه وهنې او سیمه ییزو او دودیزو لوبو فدراسیون د استازولۍ له لوري د یاد ولایت په شیرین تګاب ولسوالۍ کې د ۱۰۰ چاپندازانو ترمنځ د وزلوبې سیالۍ ترسره شوې.
په دغو سیالیو کې دوې اخرالاقه اعلان شول، چې لومړی اخرالاق د امین پهلوان له لوري او دویم اخرالاق د توفیق پهلوان له لوري تر حلالې دایرې ورسول شو او د ډالیو ګټونکي شول.
یادې سیالۍ د وزلوبې سیالیو ته د ودې ورکولو او د یما پترول لوبډلې د هېواد د وزلوبې لیګ د ګټلو او نماځلو په موخه ترسره شوې، چې یوه ورځ یې دوام وکړ.
