فاریاب؛ خواجه سبز پوش ولسوالۍ کې د ۶۰ چاپ اندازانو ترمنځ د وزلوبې سیالۍ ترسره شوې
د فاریاب ولایت د بدني روزنې او ورزش امریت اړوند د وزلوبې فدراسیون د استازولۍ له لوري د یاد ولایت په خواجه سبز پوش ولسوالۍ کې د مرکز او ولسوالیو د ۶۰ چاپ اندازانو ترمنځ د وزلوبې سیالۍ ترسره شوې،چې یوه ورځ یې دوام وکړ.
د دغو سیالیو په پای کې دوه آخراولاقه اعلان شول چې دواړه صمد پهلوان د حلال تر دایرې ورسول او د سیالیو ګټونکی شو.
دا سیالۍ د سیمې د خلکو لپاره د سالمې تفریح او راتلونکو سیالیو ته د چاپ اندازانو د چمتووالي په موخه ترسره شوې او په پای کې صمد پهلوان ته ډالۍ ورکړل شوې.
