غور کې د سلو ورزشکارانو ترمنځ د ووشو غوراوي سیالۍ ترسره شوې
دغه سيالۍ د ووشو د پنځو کلپونو ورزشکارانو، د ملکي او نظامي مسوولينو او د ورزش د مينه والو په شتون کې پيل شوې.
د غور د ورزشي مسوولينو د معلوماتو له مخې، دغه لوبې د جمعې په ورځ سهار له اتو بجو څخه د مازديګر تر پنځو بجو پورې روانې وې او په پاى کې ١٨ ورزشکاران وتوانېدل چې د غور غوره لوبډلې ته لاره ومومي.
د يادونې وړ ده، چې د لوبو په پاى کې د ولايت مقام او نظامي مسوولينو له لوري د لوبغاړو د هڅونې په موخه نغدي جايزې ووېشل شوې.
