غور ولایت کې د والیبال سیالیو اتلولي اتحاد لوبډلې وګټله
د والیبال دا سیالۍ چې د غور ولایت د بدني روزنې او سپورت آمریت او والیبال فدراسیون له خوا دوه اوونۍ وړاندې فیروز کوه ښار کې پیل شوې وې د اتحاد لوبډلې په بري پای ته ورسېدې.
یادو سیالیو کې شپږ لوبډلو ګډون درلود چې پایلوبې ته یې د « اتحاد و لمر» لوبډلو لارپیدا کړه چې د « ۳-۲» پایلې سره د اتحاد په اتلولۍ او لمرلوبډلې په دویم مقام پای ته ورسېدې.
د پایلوبې په مراسمو کې د غورولایت د بدني روزنې او سپورت آمر حمیدالله ایماق ترڅنګ ګڼو نورو ورزشي ، نظامي او ملکي چارواکو، مخورو، ځوانانو او ګڼو مینوالو ګډون کړی وو.
د دې سیالیو موخه د ځوانانو فکري او ذهني رغون ، ولایتي منتخبې لوبډلې ته د غوره ورزشکارانو ټاکل او ورزش ته وده ورکول و.
د پای په مراسمو کې لومړي او دویم مقام لوبډلو ته کپونه، غوره لوبغاړو ته مډالونه، ستاینلیکونه او نورې ډالۍ ورکړل شوې.
