غور؛ مرکز فیروز کوه ښار کې د ۳۰ ورزشکارانو ترمنځ د ووشو ټاکنیزې سیالۍ ترسره شوې
د غور ولایت د بدني روزنې او ورزش امریت اړوند د ووشو ملي فدارسیون د استازولۍ له لوري د یاد ولایت مرکز فیروزکوه ښار په هریرود ورزشي جمنازیوم کې د ۳۰ ورزشکارانو ترمنځ د ووشو ټاکنیزې سیالۍ ترسره شوې.
دغه سیالۍ د ځوانانو او لویو ورزشکارانو په عمري کټګورۍ او د ۴۸ کیلو ګرام څخه تر ۸۰ کیلو ګرام وزن کې ترسره شوې، چې په پایله ۱۱ تنه ورزشکاران د غور ولایت منتخبې لوبډلې ته وټاکل شو.
د یادو سیالیو موخه د غور ولایت منتخبې لوبډلې ته د غوره لوبغاړو موندل و.
د سیالیو په پای کې د غور ولایت ورزشي امریت له لوري ټاکل شوو لوبغاړو ته کپ، مډالونه، اتلولۍ حکمونه او ستاینلیکونه ورکړل شوه.
