غور؛ لعل ولسوالۍ کې د ۱۲ لوبډلو ترمنځ د واليبال سيالۍ پيل شوې
د غور ولايت د بدني روزنې او ورزش امريت اړوند د واليبال ملي فدراسیون د استازولۍ له لوري د ياد ولايت په لعل ولسوالۍ کې د ژمي جام په نوم د ۱۲ لوبډلو ترمنځ د واليبال حذفي سیالۍ پيل شوې.
د دغو سياليو په لومړۍ لوبه کې ميهن ځوانانو لوبډلې خپلې سیالې شاهين لوبډلې ته د ۳/۱ ميدانونو په توپير ماتې ورکړه او لومړۍ بريا يې خپله کړه.
د يادو سياليو موخه په لعل ولسوالۍ کې د ځوانانو ترمنځ د واليبال ورزش ته وده ورکول دي، چې يوه اوونۍ به دوام وکړي.
