غور؛ لعل وسرجنګل ولسوالۍ کې د ۱۰ لوبډلو ترمنځ د والیبال سیالۍ پای ته ورسېدې
\د غور ولایت د بدني روزنې او ورزش امریت اړوند د والیبال فدراسیون د استازولۍ له لوري د یاد ولایت په سر وجنګل ولسوالۍ کې د ۱۰ لوبډلو ترمنځ د والیبال سیالۍ د حاجي امیري لوبډلې په اتلولۍ پای ته ورسېدې.
د دغو سیالیو په پایلوبه کې حاجي امیري لوبډلې خپلې سیالې علودال لوبډلې ته د ۳/۱ میدانونو په توپير ماتې ورکړه او اتلولي یې خپله کړه.
د یادو سیالیو موخه د والیبال ورزش ته وده ورکول و، چې پنځه ورځې یې دوام وکړ.
د سیالیو په پای کې د ورزش مسوولینو له لوري غوره لوبډلې ته د اتلولۍ جام او غوره لوبغاړو ته ورزشي ډالۍ ورکړل شوې.
