غزني کې د ۲۹ لوبډلو ترمنځ د واليبال سيالۍ د ناوه بابه لوبډلې په اتلولۍ پای ته ورسېدې
د غزني ولايت د بدني روزنې او ورزش امريت اړوند د واليبال ملي فدراسيون د استازولۍ له لوري د ياد ولايت د جاغوري ولسوالۍ له بېلابېلو ځايونو د ۲۹ لوبډلو ترمنځ د واليبال سيالۍ، چې دوې اونۍ مخکې پیل شوې وې د ناوه بابه لوبډلې په اتلولۍ پای ته ورسېدې.
د دغو سياليو په پايلوبه کې ناوه بابه لوبډلې خپلې سیالې اميد قمبر لوبډلې ته د ۳/۰ ميدانونو په توپير ماتې ورکړه او اتلولي يې خپله کړه.
د يادو سياليو موخه د واليبال لوبو ته وده ورکول او د لوبغاړو ترمنځ يووالی رامنځته کول و، د سياليو په پای کې غوره لوبډلې او لوبغاړو ته چمتو شوې ډالۍ ورکړل شوې.
