غزني کې د ۱۶ لوبډلو ترمنځ والیبال سیالۍ پای ته ورسېدې
د غزني ولایت د بدني روزنې او ورزش امریت اړوند د والیبال ملي فدراسیون د استازولۍ له لوري د یاد ولایت ښار په فروشګاه لوبغالي کې د ۱۶ لوبډلو ترمنځ والیبال سیالۍ پای ته ورسېدې.
د دغو سیالیو په پایلوبه کې د اتحاد لوبډلې خپلې سیالې فروشګاه لوبډلې ته د ۳/۱ ګولونو په توپیر ماتې ورکړه او اتلولي یې خپله کړه.
د یادو سیالیو موخه د والیبال ورزش ته وده ورکول و، چې یوه میاشت یې دوام وکړ.
د سیالیو په پای کې د غزني ولایت ورزشي امریت له لوري غوره لوبډلې ته د اتلولۍ جام او غوره لوبغاړو ته ورزشي ډالۍ ورکړل شوې.
