غزني؛ په آب بند ولسوالۍ کې د دوولسو لوبډلو ترمنځ د اتحاد جام په نوم سیالۍ پیل شوې
د غزني ولایت د بدني روزنې او ورزش امریت له لوري د دوولسو لوبډلو ترمنځ د اتحاد جام په نوم د فوټبال سیالۍ د یاد ولایت د پیارو کلي ورزشي لوبغالي کې د ۲۰ ورځو لپاره پیل شوې.
د دغو سیالیو لومړۍ لوبه د پیارو او نازکه لوبډلو ترمنځ ترسره شوه په پایله کې پیارو لوبډلې وکولای شول خپلې سیالې لوبډلې ته د ۲/۱ ګولونو په توپیر ماتې ورکړي او سیالي یې په خپل نوم کړه.
د دې سیالیو د ترسره کېدو موخه د آب بند ولسوالۍ منتخبه لوبډلې جوړول دي.
