غزني؛ مقر ولسوالۍ کې د ۱۸ لوبډلو ترمنځ د ټېپ بال کرکټ سیالۍ د همت لوبډلې په اتلولۍ پای ته ورسېدې
د غزني ولایت د بدني روزنې او ورزش امریت اړوند د ټېپ بال ملي فدراسیون د استازولۍ له لوري د یاد ولایت په مقر ولسوالۍ کې د ۱۸ لوبډلو ترمنځ د نېکمرغه لوی اختر د نمانځلو په موخه د ټېپ بال کرکټ سیالۍ، چې ۲۰ ورځې وړاندې پيل شوې وې د همت لوبډلې په اتلولۍ پای ته ورسېدې.
د دغو سیالیو په پایلوبه کې چمن لوبډلې خپلې سیالې همت لوبډلې ته د ۱۳۰ منډو هدف وټاکه په مقابل کې همت لوبډلې یاد ټاکل شوی هدف پوره او اتلولي یې په خپل نوم کړه.
د سیالیو په پای کې د سیمې خلکو له لوري غوره لوبډلې ته کپونه او ۶۰۰۰۰ زره افغانۍ او دویم مقام لوبډلې ته ۴۰۰۰۰ زره افغانۍ نغدي ډالۍ ورکړل شوې.
