غزني؛ د فوټبال سټېډیوم له رغاونې وروسته پرانیستل کیږي
د غزني ولایت د فوټبال سټېډیوم، چې د رغاونې کارونه یې یو کال وړاندې د فوټبال فدراسیون له لوري پیل شوي وو، سبا د یوې شاندارې فوټبال سیالي او ورزشي نندارو په ترڅ کې پرانیستل کیږي.
په یاده سیالي کې د هیواد د ورزش ادارې عمومي رئیس مولوي احمد الله وثیق، د بدني روزنې او فوټبال فدراسیون فني او مسلکي معاون حافظ احمد جان ځدراڼ او د هیواد د فوټبال فدراسیون رئیس محمد یوسف کارګر ګډون کوي.
د نوموړي سټېډیوم د پرانیسې په ویاړ به د هیواد د نولس کلنو ملي لوبډلې او د غزني د منتخبه لوبډلې ترمنځ سبا دوه بجې دوستانه سیالي وشي.
د یادون وړ دی، چې د غزني د فوټبال سټېډیوم د فیفا په ۸۵۰ زره ډالري لګښت جوړ شوی و، چې دوه کاله وړاندې د سیلابونو له وجې تخریب شو؛ خو اوس بېرته ورغول شو او سبا به یې بېرته دروازه د لوبو پر مخ پرانیستل شي.
