غزني؛ جاغوري ولسوالۍ کې د ۲۴ لوبډلو ترمنځ د فوټسال رمضان جام سیالۍ د شهدای حوتقول لوبډلې په اتلولۍ پای ته ورسېدې
د غزني ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت د جاغوري ولسوالۍ په همدم حوتقول ورزشي جمنازیوم کې د ۲۴ لوبډلو ترمنځ د فوټسال سیالۍ د شهدای حوتقول لوبډلې په اتلولۍ پای ته ورسېدې.
د دغو سیالیو په پایلوبه کې شهدای حوتقول لوبډلې خپلې سيالې اتحاد داوود لوبډلې ته د ۵/۲ ګولونو په توپیر ماتې ورکړه او اتلولي یې خپله کړه.
په دغو سیالیو کې یاسین جعفري غوره ګول وهونکی، بسم الله حسیني غوره لوبغاړی او میرزا حسین بیا غوره ګول ساتونکی وپېژندل شو.
د یادو سیالیو موخه د فوټسال ورزش ته وده ورکول او د کوچني اختر لمانځل و، چې یوه میاشت یې دوام وکړ.
