غزني؛ جاغوري ولسوالۍ کې د فوټبال سيالۍ د استقلال انګوري لوبډلې په اتلولۍ پای ته ورسېدې
د غزني ولايت د بدني روزنې او ورزش امريت اړوند د فوټبال ملي فدراسيون د استازولۍ له لوري د ياد ولايت په داوود ورزشي او فرهنګي جمنازيوم کې د ۱۵ لوبډلو ترمنځ د فوټبال خزاني جام سيالۍ د استقلال انګوري لوبډلې په اتلولۍ پای ته ورسېدې، چې ۱۵ ورځې يې دوام وکړ.
د دغو سياليو په پايلوبه کې استقلال انګوري لوبډلې خپلې اميد زيرک لوبډلې ته د ۳/۴ ګولونو په توپير ماتې ورکړه او اتلولي يې خپله کړه.
په دغو سياليو کې د ورزش مسوولينو له لوري غوره لوبډلې ته يو موټرسايکل او دويم مقام لوبډلې ته کپ، مډالونه او ستاينليکونه ورکړل شول.
