غزني؛ جاغوري ولسوالۍ کې د درخشش جام په نوم د فوټسال سیالۍ پیل شوې
د غزني ولایت د جاغوري ولسوالۍ د ورزشي مدیریت له لوري د یادې ولسوالۍ اړوند په ستارګان ورزشي صالون کې د جاغوري د ټولو کلیو د ۲۴ لوبډلو په ګډون د درخشش جام په نوم د فوټسال سیالۍ پیل شوې، چې ۱۶ ورځې به دوام وکړي.
د یادو سیالیو په لومړنۍ لوبه کې استقلال انګوري لوبډلې له مرکز لوبډلې سره سیالي وکړه، چې استقلال انګوري لوبډلې مقابلې لوبډلې ته د ۱۳/۶ ګولونو په توپیر ماتې ورکړه.
د دغو سیالیو موخه د لوبغاړو تشویق او د دوی ترمنځ د یووالي رامنځته کول ښودل شوي دي.
