غزني، ناور ولسوالۍ کې د ١٨ لوبډلو ترمنځ د فوټبال سيالۍ پيل شوې
د غزني ولايت د بدني روزنې او ورزش امريت له لوري د ياد ولايت د ناور ولسوالۍ په سبز دوابي ورزشي لوبغالي کې د ١٨ لوبډلو ترمنځ د فوټبال سيالۍ د المهدي بهايي لوبډلې په بريا پيل شوې.
د دغو سياليو په لومړۍ لوبه کې المهدي بهايي لوبډلې خپلې سيالې المهدي باريکاب لوبډلې ته د ٣/١ ګولونو په توپير ماتې ورکړه او بريا يې خپله کړه.
هېره دې نه وي دغه سيالۍ به يوه اوونۍ دوام وکړي او موخه يې د لوى اختر نمانځل دي.
