سمنگان کې د څلورو لوبډلو ترمنځ د فوټسال سیالۍ د افیس پکیج لوبډلې په اتلولۍ پای ته ورسېدې
د سمنګان ولایت د بدني روزنې او ورزش امریت اړوند د فوټبال فدراسیون په مرسته او د اکتید موسېسې د ځوانانو د مهارتونو د پراختیا مرکز له لوري په یاد ولایت کې د څلورو لوبډلې ترمنځ د فوټسال سیالۍ، چې دوې اوونۍ وړاندې پيل شوې وې، د افیس پکیج لوبډلې په اتلولۍ پای ته ورسېدې.
د دغو سیالیو په پایلوبه کې افیس پکیج لوبډلې خپلې سیالې صنف انګلیسي لوبډلې ته د ۶/۲ ګولونو په توپير ماتې ورکړه او اتلولي یې خپله کړه.
د یادو سیالیو موخه د محصلینو ترمنځ د دوستانه چاپېریال رامنځته کول و.
