سمنگان؛ مرکز ایبک ښار کې د ۵۰ ورزشکارانو ترمنځ د کونګفو سیالۍ ترسره شوې
د سمنګان ولایت د بدني روزنې او ورزش امریت اړوند د کونګفو ملي فدراسیون د استازولۍ له لوري د یاد ولایت په ایبک ښار کې د ۵۰ ورزشګارانو ترمنځ د کونګفو سیالۍ ترسره شوې، چې یوه ورځ یې دوام وکړ.
د دغو سیالیو په پایله کې د قهرمانانو ورزشي کلب ورزشکارانو لومړی، ستاره رزم کلب ورزشکارانو دویم او حضرت سلطان کلب ورزشکارانو بیا درېیم مقام ترلاسه کړ.
د یادو سیالیو موخه د کونګفو ورزش ته وده ورکول او ورزش ته د ځوانانو هڅول و.
