سرپل؛ سانچارک ولسوالۍ کې د ۱۶ لوبډلو ترمنځ د فوټبال سیالۍ ترسره شوې
د سرپل ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په سانچارک ولسوالۍ کې د اوړي جام په نوم د ۱۶ لوبډلو ترمنځ د فوټبال سیالۍ د امنیه قومندانۍ لوبډلې په اتلولۍ پای ته ورسېدې.
د دغو سیالیو په پایله کې د امنیه قومندانۍ لوبډلې خپلې سیالې استقلال تګزار لوبډلې ته د ۵/۱ ګولونو په توپير ماتې ورکړه او اتلولي يې خپله کړه.
د یادو سیالیو موخه د فوټبال ورزش ته وده ورکول و، چې دوې میاشتې یې دوام وکړ.
د سیالیو په پای کې د سرپل ولایت ورزشي امریت له لوري غوره لوبډلې ته د اتلولۍ جام او غوره لوبغاړو ته ورزشي ډالۍ ورکړل شوې.
