زابل؛ په قلات ښار کې د ۴۸ ورزشکارانو ترمنځ د سامبو کورش سيالۍ ترسره شوې
د زابل ولايت د بدني روزنې او ورزش امريت اړوند د سامبو کورش فدراسيون د استازولۍ له لوري د یاد ولايت په مرکز قلات ښار کې د څلورو کلبونو د ۴۸ ورزشکارانو ترمنځ د سامبو کورش سيالۍ ترسره شوې.
په يادو سياليو کې د همراز، عمران پتیال، احمدالله او منير احمد کلبونو ورزشکارانو ترمنځ چمتو شوې وې، په پايله کې احمد الله کلب لومړی، منير احمد کلب دويم او مهراز کلب بيا درېيم مقام ترلاسه کړ.
د يادولو وړ ده، چې دغو سياليو دوې ورځې دوام وکړ او په پای کې د ياد ولايت د ورزش امريت له لوري غوره ورزشکارانو ته مډالونه، د اتلولۍ حکمونه او ورزشي وسايل ورکړل شول.
