زابل؛ په قلات ښار کې د ۲۸ ورزشکارانو ترمنځ د سامبو کورش سیالۍ وشوې
د زابل ولایت د بدني روزنې او ورزش امريت اړوند د سامبو کورش فدراسيون د استازولۍ له لوري د ياد ولايت مرکز قلات ښار کې د درېيو کلبونو د ۲۸ ورزشکارانو ترمنځ د سامبو کورش سيالۍ وشوې.
دغه سيالۍ، د استاد احمد، استاد همراز او استاد رحمت الله د کلبونو ورزشکارانو ترمنځ وشوې، چې په پايله کې د استاد احمد کلب ورزشکارانو لومړی او د استاد همراز کلب ورزشکارانو دوهم مقام ترلاسه کړ.
د يادو سياليو موخه د ځوانانو ترمنځ يووالی و، چې يوه ورځ يې دوام وکړ.
