زابل؛ په شاجوی ولسوالي کې د ۲۴ ورزشکارانو تر منځ د فول رزمي سیالۍ تر سره شوې
د زابل ولایت د بدني روزنې او ورزش امريت اړوند د فول رزم فدراسيون د استازولۍ له لوري د ياد ولايت په شاجوی ولسوالۍ کې د دوو کلبونو د ۲۴ ورزشکارانو ترمنځ نويو ځوانانو او ځوانانو په عمري کټګوريو د فول رزم سيالۍ ترسره سوې.
دغه سيالۍ، د استاد عبدالغفور او استاد نادرخان د کلبونو ورزشکارانو ترمنځ ترسره شوې، چې په پايله کې د استاد نادرخان د کلب ورزشکارانو لومړی مقام خپل کړ.
د يادو سياليو موخه د ځوانانو ترمنځ د يووالی رامنځته کول وو، چې يوه ورځ يې دوام وکړ او په پای کې غوره ورزشکارانو ته ستاينليکونه ورکړل شول.
