زابل؛ مرکز قلات ښار کې د ۳۰ ورزشکارانو ترمنځ دلاس چپه کولو سیالۍ ترسره شوې
د زابل ولایت د بدني روزنې او ورزش آمریت اړوند د ملي او دودیزو لوبو د مدیریت له لوري د یاد ولایت مرکز قلات ښار کې د دوه کلپونو ۳۰ ورزشکارانو ترمنځ د لاس چپه کولو سیالۍ ترسره شوې.
په دغو سیالیو کې د استاد نعمت الله او استاد حبیب الرحمن کلپونو لوبغاړو ګډون کړی و، چې په پایله کې یې د استاد حبیب الرحمن کلپ لوبغاړو لومړی مقام ترلاسه کړ.
له يادو لوبو څخه موخه ملي او دودیزو لوبو ته وده ورکول ښودل شوي، چې یوه ورځ یې دوام وکړ او په پای کې ورزشکارانو ته د ورزش د آمریت له خوا څخه ستاینلیکونه او مډالونه ورکول شول.
