زابل؛ مرکز قلات ښار کې د شپږو لوبډلو ترمنځ د رسۍ کشولو سیالۍ ترسره شوې
د زابل ولایت د بدني روزنې او ورزش آمریت اړوند د ملي او دودیزو لوبو د مدیریت له لوري د یاد ولایت مرکز قلات ښار په میرویس نیکه پوهنتون کې د شپږو لوبډلو ترمنځ د رسۍ کشولو سیالۍ د زراعت پوهنځي لوبډلې په اتلولي پای ته ورسېدې.
د یادو سیالیو پایلوبه کې زراعت پوهنځي لوبډلې خپلې سیالې اقتصاد پوهنځي لوبډلې ته ماتې ورکړه او اتلولي یې وګټله.
دا سیالۍ ملي او دودیزو لوبو ته د ودې ورکولو په موخه ترسره شوې، چې درې ورځې یې دوام وکړ.
