زابل؛ قلات ښار کې د درېيو کلبونو ترمنځ د سامبو کورش سيالۍ وشوې
د زابل ولايت د بدني روزنې او ورزش آمريت اړوند د سامبو کورش فدراسيون د استازولۍ له لوري د ياد ولايت په مرکز قلات ښار کې د درېيو کلبونو د ۲۶ پهلوانانو ترمنځ د سامبو کورش سيالۍ وشوې.
دغه سيالۍ، چې د استاد همراز، استاد احمد الله او استاد رحمت الله کلبونو پهلوانانو ترمنځ ترسره شوې، په پايله کې د استاد رحمت الله کلب پهلوانانو په بريا پای ته ورسېدې.
د ويلو وړ ده، چی د يادو سياليو موخه د سامبو کورش ورزش ته وده ورکول و، چې يوه ورځ يې دوام وکړ.
