زابل؛ شاجوی ولسوالۍ کې د ۲۸ ورزشکارانو ترمنځ د k1 کېک بوکسېنګ سیالۍ ترسره شوې
د زابل ولایت د بدني روزنې او ورزش امریت اړوند د رزمي ورزشونو فدراسیون د استازولۍ له لوري د یاد ولایت په شاجوی ولسوالۍ کې د دوو کلبونو د ۲۸ ورزشکارانو ترمنځ د k1 کېک بوکسېنګ سیالۍ ترسره شوې.
دا سیالۍ د نویو ځوانانو، ځوانانو او مشرانو ورزشکارانو په عمري کټګوریو کې ترسره شوې، چې په پایله کې یې د استاد رؤفي کلب ورزشکارانو لومړی او د استاد شمس الحق کلب ورزشکارانو دویم مقام خپل کړ.
دا سیالۍ په زابل کې د k1 کېک بوکسېنګ سیالیو ته د ودې ورکولو په موخه ترسره شوې، چې دوې ورځې یې دوام وکړ او په پای کې غوره ورزشکارانو ته بری لیکونه، مډالونه او ستاینلیکونه ورکړل شول.
