زابل؛ شاجوی ولسوالۍ کې د ۲۷ ورزشکارانو ترمنځ د فول رزم سيالۍ وشوې
د زابل ولايت د بدني روزنې او ورزش آمريت اړوند د فول رزم فدراسيون د استازولۍ له لوري د ياد ولايت په شاجوی ولسوالۍ کې له درېيو کلبونو د ۲۷ ورزشکارانو ترمنځ د فول رزم سيالۍ وشوې.
په دغو سياليو کې له نادرخان، عبدالودود او مقصود کلبونو څخه ورزشکارانو د نويو ځوانانو، ځوانانو او لويانو په عمري کټگوريو کې گډون کړی وو، چې په پايله کې يې د نادر خان کلب ورزشکارانو لومړی مقام خپل کړ.
د يادو سياليو موخه د فول رزم ورزش ته وده ورکول و، چې دوې ورځې يې دوام وکړ.
