زابل؛ شاجوی ولسوالۍ کې د څلورو لوبډلو ترمنځ د واليبال سيالۍ پای ته ورسېدې
د زابل ولايت د بدني روزنې او ورزش آمريت اړوند د واليبال فدراسيون د استازولۍ له لوري د ياد ولايت په شاجوی ولسوالۍ کې د څلورو لوبډلو ترمنځ د واليبال، چې پنځه ورځې مخکې پيل شوې وې د اول نمبر لېسې الف لوبډلې په اتلولۍ پای ته ورسېدې.
په يادو سياليو کې د اول نمبر لېسې الف، قرباغي، مقر الف او اول نمبر لېسې ب لوبډلو گډون کړی وو، چې په پايلوبه کې اول نمبر لېسې الف لوبډلې خپلې سيالې مقر الف لوبډلې ته د ۳ پر ۲ ميدانونو په توپير ماتې ورکړه او اتلولي يې وگټله.
د يادونې وړ ده، چې د دغو سياليو موخه د هېواد د خپلواکۍ د ۱۰۶ کليزې نمانځل و.
