زابل؛ د مرکز او دوه ولسوالیو ۱۲۰ پهلونانو ترمنځ د غېږنیونې سیالۍ ترسره شوې
د زابل د بدني روزنې او سپورټ امریت او د غېږنیونې فدراسیون له خوا د مرکزقلات، میزانی او ارغستان ولسوالیو ۱۲۰ پهلوانانو ترمنځ د شیخ متي لېسې سټوډیم کې د غېږنیونې سیالۍ ترسره شوې.
په دې سیالیو کې د زابل د بدني روزنې او ورزش امریت د مسوولینو ترڅنګ، مخورو، ځوانانو، ورزشکارانو او ګڼو مینوالو ګډون کړی وو.
د دې سیالیو موخه د دودیزو لوبو وده، ورزش ته د ځوانانو هڅول، یووالی او د یو بل منل و.
د غیږنونې دا سیالۍ چې تیره ورځ جمعه پیل شوي نن به هم دوام وکړي.
