د کندز په قلعه ذال ولسوالۍ کې د ۶۰ تنو چاپ اندازانو ترمنځ د وزلوبې سیالۍ ترسره شوې
د کندز ولایت د بدني روزنې او ورزش ریاست او وزلوبې فدراسیون په همغږۍ د قلعه ذال او امام صاحب ولسوالیو ۶۰ چاپندازانو د قلعه ذال ولسوالۍ د وزلوبې په لوبغالي کې لوبه وکړه.
په دې دوه میدانه سیالي کې لومړی میدان حیات الله پهلوان د حاجي لالا په اس او دویم میدان کورت زاده د معلم قیوم په اس وزه تر حلالې دایرې ورسوله او ګټونکي وبلل شول.
د دې سیالۍ موخه په ليرې پرتو سیمو کې د وګړو لپاره سالمه تفریح رامنځ ته کول وو.
