د کابل چهاردهي شورا کلب د کابل زون د سوک وهنې سياليو اتلولي خپله کړه
په کابل کې د سوک وهنې سيالۍ چې له ۲۵ کلبونو څخه پکې ۱۱۰ ورزشکارانو کډون کړی و، درې ورځې وړاندې پيل شوې وې چې په پايله کې د کابل چهاردهي شورا کلب په بريا پای ته ورسېدې.
په همدې موخه په جوړو شويو مراسمو کې د المپيک ملي کمېټې اجرايه رييس داد محمد پاينده اختري او د يادې رشتې مينوالو ګډون کړی و.
يادې سيالۍ د دوو کټګوريو ځوانانو او لويانو په مختلفو وزنونو کې ترسره شوې او موخه يې د لومړي زون په کچه د منتخبې لوبډلې لپاره د غوره ورزشکارانو موندنه وه.
په پايله کې د کابل چهاردهي شورا کلب لومړی، اختري ځوانانو کلب دويم او اختري شاهين کلب درېيم مقام ترلاسه کړ.
