د کابل څخه تر جلال اباد پورې نږدې ۵۰ بايسکل ځغلونکو ترمنځ د بايسکل ځغلونې دوستانه سيالۍ پای ته ورسېدې
د المپيک. بدني روزنې او ورزش عمومي رياست اړوند د بايسکل ځغلونې او موټر سايکل ځغلونې ملي فدراسیون له لوري او د ګلبهار انوسټمنټ شرکت په مالي ملاتړ د کابل ښار دملک اصغر له څلور لارې څخه تر جلال اباد ښار پورې نږدې ۵۰ بايسکل ځغلونکو ترمنځ د بايسکل ځغلونې دوستانه سيالۍ پای ته ورسېدې.
دغه سيالۍ د ۵۰ بايسکل ځغلونکو له لوري په سرکوي ( جاده يي) او غرني ( کوهستاني) دوو جلا سبکونو د ترسراوي تر څنګ ۲۵ بايسکل ځغلونکو له لوري په فري سټايل سبک کې ورزشي نندارې هم ترسره شوې.
دغه سيالۍ د مرکز، ميدان وردګ، لوګر، ننګرهار او لغمان ولايتونو بايسکل ځغلونکو ترمنځ د کابل ښار څخه تر جلال اباد پورې ترسره شوې، چې په پايله کې محمد شريف يعقوبي لومړی نقيب الله توطاخېل دويم او سعيد الله سادات بيا درېيم مقام خپل کړ.
د يادو سياليو موخه را تلونکو سياليو ته د بايسکل ځغلونکو لا ښه چمتوالی و، چې يوه ورځ يې دوام وکړ.
