د کابل ولايت د شطرنج منتخبې لوبډلې د غوراوي سیالۍ پيل شوې
په کابل کې د بدني روزنې او ورزش عمومي ریاست اړوند په پاراالمپیک ورزشي جمنازيوم کې د کابل ولايت د شطرنج منتخبې لوبډلې د غوراوي سیالۍ پيل شوې.
په دغو سياليو کې د کابل ښار کلبونو تر ٧٠ زيات ورزشکاران ګډون لري چې څلور ورځې به دوام وکړي.
د دغو سياليو موخه د کابل ولايت د شطرنج منتخبې لوبډلې ته د غوره لوبغاړو ټاکل دي.
د دغو سياليو په ترڅ کې به ١٥ تنه د کابل شطرنج منتخبې لوبډلې ته وټاکل شي.
د شطرنج فدراسیون د معلوماتو له مخې ټاکل شوې راتلونکې اوونۍ به د شطرنج ملي لوبډلې د غوراوي سیالۍ هم په کابل کې پيل شي چې د ٢٩ ولايتونو تر ١٣٠ ورزشکاران به پکې ګډون وکړي.
