د پکتيکا ولايت د نېزه بازۍ سيالۍ د يحيا خېلو ولسوالۍ په بريا پای ته ورسېدې
د پکتيکا د نېزه بازۍ سيالۍ، چې د پکتيکا پر ۱۵ لوبډلو سربېره د غزني او پکتيا ټيمونو هم پکې ګډون کړی و،د يحیا خېلو ولسوالۍ د لوبډلې په بريا پای ته ورسېدې.
په نوموړو سياليو کې، چې د نېزه بازۍ د فدراسيون له خوا جوړې شوې وې، د پکتيکا د بدني روزنې آمر عثمان سيرت،د نېزه بازۍ او وزلوبې فدراسيون رئيس غلام سرور جلال او د جنوبي زون رئيس محمد اسلم مخلص ګډون کړی و.
عثمان سيرت د نېزه بازۍ او وزلوبې فدراسيون له رئيس څخه مننه وکړه،چې په لوبو کې يې ګډون کړی دی او هم يې په پکتيکا ولایت کې د نېزه بازي ورزش ته د ډېرې توجه غوښتنه ترې وکړه.
د يادو سياليو په پای کې غوره ورزشکارانو ته موټرسايکلونه ورکړل شول.
