د پهلوانۍ ملي فدراسيون ۱۲ کسيزه لوبډله د تختي جام نړيوالو سیالیو کې د گډون په موخه ايران ته روانه شوه

org2_admin
یکشنبه ۱۴۰۴/۲/۱۴ - ۱۹:۸
د پهلوانۍ ملي فدراسيون ۱۲ کسيزه لوبډله د تختي جام نړيوالو سیالیو کې د گډون په موخه ايران ته روانه شوه

د المپیک، بدني روزنې او ورزش عمومي رياست په همکارۍ د پهلوانۍ ملي فدراسيون ۱۲ کسيزه لوبډله د تختي جام په ۴۵م پړاو نړيوالو سياليو کې د گډون په موخه د ايران اصفهان ښار ته روانه شوه.

يادې سيالۍ، چې د لويانو په عمري او بېلابېلو وزني کټگوريو کې ترسره کېږي، د افغانستان سربيره د ايران، روسيې، ترکيې، هندوستان، ترکمنستان، قرغيزستان، عراق، هالنډ او آذربايجان هېوادونو ورزشکاران هم پکې گډون کوي.

دا سیالۍ به د روانې ثور میاشتې پر ۱۷مه نيټه پيل او د همدې مياشتې تر ۲۰مې نيټې پورې دوام وکړي.

د یادولو وړ ده، چې د مخه ښې په مراسمو کې د هېواد د ورزش ادارې عمومي رييس مولوي احمد الله وثيق، د المپيکي چارو رييس داد محمد پاينده اختري، ورزشي سلاکار قاري حيات الله رحماني، د پهلوانۍ ملي فدراسيون رهبري پلاوي او ورزشکارانو گډون کړی وو.

تازه خبرونه

یکشنبه ۱۴۰۴/۴/۸ - ۱۵:۳۶
Background image

پکتيا؛ مرکز ګردېز ښار کې د ۵۰ ورزشکارانو ترمنځ د سامبو کورش سيالۍ ترسره شوې

د پکتیا ولایت د بدني روزنې او ورزش رياست اړوند د کورش فدراسيون د استازولۍ له لوري د ياد ولايت په مرکز گردېز ښار کې د ۵۰ ورزشکارانو ترمنځ د سامبو کورش سبک سیالۍ ترسره شوې.

دا سیالۍ د. . .

یکشنبه ۱۴۰۴/۴/۸ - ۱۵:۳۱
Background image

پکتیا کې د ۲۰ لوبډلو ترمنځ د والیبال سیالۍ پای ته ورسېدې

د پکتیا ولایت د بدني روزنې او ورزش ریاست اړوند د والیبال فدراسیون د استازولۍ له لوري د یاد ولایت په مرکز وچ غړک سیمه کې د ۲۰ لوبډلو ترمنځ د والیبال دوستانه سیالۍ د بلند منزلو لوبډلې په. . .

یکشنبه ۱۴۰۴/۴/۸ - ۱۵:۱۳
Background image

کابل کې د ۴۵ ورزشکارانو ترمنځ د ووشو ټاکنیزې سيالۍ پيل شوې

د المپيک، بدني روزنې او ورزش عمومي رياست اړوند د ووشو ملي فدراسيون له لوري د هېواد له مرکز او ولايتونو د ۴۵ ورزشکارانو ترمنځ د ووشو نړيوالو سياليو کې، چې د برازيل په هېواد کې به ترسره. . .

BACK TO NEWS