د فلپین د لامبو وهنې آسیايي سیالیو کې افغان لوبغاړي په دوو جلا سبکونو کې دویم او اووم مقام خپل کړ
د لامبو وهنې د ۱۱م پړاو آسیايي سیالیو کې چې د فليپين هېواد په کوربه توب ترسره کېږي، افغان لوبغاړي عرفان علي په دوه بېلابېلو سبکونو کې دویم او اووم مقام خپل کړ.
نوموړي په برېسټ سټروک Breaststroke سبک کې په ۳۴،۸۵ ثانیو کې د ۵۰ متره واټن په طی کولو سره دویم مقام او په فري سټایل Freestyle سبک کې یې په ۲۷،۶۵ ثانیو کې د ۵۰ متروه واټن په طی کولو سره اووم مقام خپل کړ.
ټاکل شوې چې افغان لوبغاړی عرفان علي به خپله راتلونکې سیالۍ د راتلونکې پنجشنبې په ورځ د بټر فلای Butterfly په سبک کې په ۵۰ متري واټن کې ترسره کړي.
د یادونې وړ ده چې یادې سیالۍ د روان میلادي کال د فبروري میاشتې په ۲۶مه نېټه پیل شوي اود مارچ د میاشتې تر ۹مې نېټې به دوام وکړي.
