د رونيز کورس په پای کې دوو افغان روزونکو د دوېمې درجې سند ترلاسه کړ.
د رونيز کورس په پای کې دوو افغان روزونکو د دوېمې درجې سند ترلاسه کړ. د واليبال نړيوال فدراسيون د دوېمې درجې دا سندونه دوو افغان ورزشکارانو هريو ښاغلي شعېب عزيزي او اغلې زهرا فياضي ترلاسه کړل. د نړيوال فدراسيون له لورې د روزنې دا کورس په بحرين کې د ۲۲ هېوادونو د روزونکو لپاره د اکتوبر مياشتې له لسمې پېل شوې و او تر شپاړلسمې يې دوام وکړ. تراوسه د واليبال ملي فدراسيون يو روزونکی او ښوونکی او دوه روزونکي نړيوال سندونه لري او ۵۰ نور بيا په ملي کچه د نړيوال واليبال فدراسيون د روزنې سندرونه لري چې په هېواد کې يې زده کړې ترلاسه کړي.
