د خوست ګربزو ولسوالۍ کې د کرکټ لوبې پیل شوې
د خوست ولایت کرکټ پرمختیایي ادارې له کلني پلان سره سم؛ د دغه ولایت په ګربزو ولسوالۍ کې د اتو لوبډلو ترمنځ د کرکټ شل لوریزې لوبې پیل شوې.
د یادو سیالیو د پرانېستې مراسمو کې د خوست کرکټ پرمختیایي ادارې مشرتابه او غړو سربېره؛ د ګربزو ولسوالۍ لوبغاړو، ځوانانو او د کرکټ لوبې مینوالو برخه درلوده.
د پرانېستې یادو مراسمو کې د خوست کرکټ پرمختیایي ادارې مدیر ښاغلي احسانولي مسرور له لوري محمد سمسور د ګربز ولسوالۍ د کرکټ استازي په توګه د یادې ولسوالۍ ولسونو ته وروپېژندل شو.
ګربزو ولسوالۍ کې داسې مهال د کرکټ لوبې پیلیږي، چې تېره چهارشنبه او پنجشنبه د خوست ولایت په ځاځيمیدان او تڼیو ولسوالیو کې هم د کرکټ ورته سیالۍ پیل شوې وې.
