د خوست په مهدي خېلو سیمه کې د فوټبال رمضان جام شپنۍ سیالۍ پیل شوې
د خوست ولایت د فوټبال فدراسیون په چوکاټ کې د مهدي خېلو ځوانانو له خوا د هدیرې په میدان کې د ۲۰ لوبډلو ترمنځ د فوټبال شپنۍ سیالۍ پیل شوې.
د یادو سیالیو د پیل په مراسمو کې د فوټبال فدراسیون مسولینو، نظامي چارواکو، د سیمې مشوانو، ورزشکارانو او د ورزش ګڼو مینوالو برخه اخیستې وه.
د دغو سیالیو د پیل سیالي د کونډیو ځوانانو او چینې بریال کلب ترمنځ ترسره شوه، چې په پایله کې د کونډیو ځوانانو لوبډلې وکولی شول، چې خپلې سیالې لوبډلې ته د ۱-۰ په توپیر ماتې ورکړي او د دغه جام لومړۍ بریا خپله کړي.
