د تکواندو ملي فدارسیون له لوري په ننګرهار کې د تکواندو د برخې استادانو ته روزنیز سمینار پیل شول
د هېواد د تکواندو ملي فدراسیون لوري د ننګرهار ولایت د بدني روزنې او ورزش ریاست او د یاد ولایت تکواندو فدراسیون په غوښتنه، د ننګرهار ولایت د تکواندو د برخي ټولو استادانو ته د ډان اسنادو د ترلاسه کولو د دویمې دورې د ازموینې روزنیز سمینار پیل شو.
د پیل په مراسمو کې د ننګرهار ولایت د سپورت رئیس عبدالسلام "وزیروال"، د هېواد تکواندو فدراسیون د پومسي د برخې مسؤلینو، د ننګرهار د تکواندو فدراسیون مسؤل استاد زمري عربزاده او د یادې برخې یو شمېر نورو مسؤلینو او ورزشکارانو هم برخه اخیسې وه.
د ننګرهار ولایت د تکواندو استادانو د یاد سمینار په پیلېدو خوښې څرګنده کړه او دا یې د استادۍ، تجربو او روزنې په برخه کې خورا ګټور وباله.
د یادونې وړ ده، چې یاد سمینار د شپږمې ناحیې په ورزشي جمنازیوم کې نن پنج شنبه پیل او درې اوونۍ به دوام وکړي.
